#我有個Page #講咩先 － 發姣人夫 Flirty Hubby
「結咗婚身為人夫，仍然姣屎凳篤，努力護膚，為嘅只係希望令皮膚由『好差』變到『差』。
從前爆瘡留痕、油光滿面，污糟邋遢，憑住人妻一句：『你個鼻如果冇黑頭就不得了…』，我就意會到，原來一個男人，做好護膚，好好打理自己儀容，都係表達愛意嘅一種方式。從此，人夫啟動發姣模式。
最初，以為用洗面膏洗下面就夠，經人妻督促，先發現護膚一啲都唔簡單！深層清潔、肌底液、爽膚水、精華素、保濕、Lotion、面膜、導出導入機…每樣都有佢嘅作用同重要性！同時亦開始體會女人扮靚係要付上時間、心機、金錢，一定要好好respect。
姣夫從來唔係咩護膚品都買、咩都試一餐，更加唔係令各品牌垂青扑倒進貢media kit嘅人氣blogger、美容達人。我只係一個相對地會護膚嘅男士，用詞有限，好「地」咁寫下評價，不過介紹得嘅都一定係自己親自試過，真心覺得有過人之處先出街。可能因為少咗一份商業味道，感恩大家對我所寫嘅唔算反感，睇得舒服。
開個page，主要係同姊姊們交流一下護膚心得，亦讓姊妹們知道，一個認真護膚嘅男人背後，總有一個識欣賞嘅女人！如果要隻佬的起心肝護膚，實在需要日哦夜哦、軟硬兼施、愛的鼓勵。除咗護膚，有時我都會曬下幸福，記錄下同人妻嘅甜蜜時刻，深夜發放食咗咩好西。冇眼睇？Sorry，個package包埋架！（多謝follow！）」
如果你都有個Page，同我一樣想多啲人睇到，分享到你嘅訊息，事不宜遲，立即到 adfocate.com/hk/adfocate登記成為 AdFocate 一份子，唔單止幫到你優化專頁，仲有機會同合適嘅品牌合作，將內容進一步推廣出去，實踐你所想！
Search